දිල්....

  අහස කොයින්ද හැඩ  සදේ නුඹ නැතිව සද කොයින්ද හැඩ තරු නුඹ නැතිව ඉතින් අහස... නුඹ ලස්සනම මහ කළුවර රෑට

  පොතක්        ඒක අමුතුම ලෝකයක්.එකම පොතකින් ඔබත් මමත් දකින ලෝක විවිධාකාරයි.        විටෙක පොත් ඔබේ ජීවිත කතාවම විය හැකියි. එය කියවන ඔබට ඔබවම මැවී පෙනේ. නුබ හිර කරන් ඉන්න සිතුවිලි ලේසියෙන්ම සැහැල්ලු කරගන්න පුළුවන් තැනක් වේනම් ඒ පොතයි.      තිරයක මවාපාන එතුළ අපි දකින රූප ඇත්තටම රාමුවක්.අපි ඔක්කොම ඒ රාමුවේ හිරවෙනවා. ඒත් පොතක්....විටෙක අපි නොහිතන ලෝක වල පවා සැරිසරවයි.   නුබ නොවිදි ජීවිත විදින්නත් විදීම් මෙන්ම විදවීම් දකින්නත් එය තමන්ගේ කරගන්නත් තරම් මේ සමත් ය. හරියටපොත කියන්නෙත් ඒක වෙනමම හැගීමක්. ඒ හැගීම එකඑක්කෙනාට වෙනස්.        ඒක ඇතුළෙ නෑ රාමුවක්.ඔයා දකින ,මම දකින ලෝකය ලෝක දෙකක් වෙනවා එකම පොත ඇතුළෙ.අපි කැමති විදියට අපි කැමති චරිත අපේම අධ්‍යක්ෂණයෙන් රගදක්වනවා අපි  පොත  ඇතුළේ. ඉතින්....      පොතක් කියන්නෙම සීමා නැති,රාමු නැති ,විටෙක අපි අපිවම එතුළ රගදක්වගන්න අමුතුම ලෝකයක්🌎 .

නුබේ ප්‍රේමය මට හිමි         නැතත් මගේ ප්‍රේමය නුබට              හිමිය නුබේ සිනහව මට හිමි         නැතත් මගේ කදුළ නුබ                     නමින්මය නුබේ කදුළ මා නමින්             නොවුණද මගේ සිනහව නුබ නමින්       පමණය දෑත් පටලන් ඉන්න බැරි           වුණත් මා හදවතින් නුබේ                   ළගමය නුබට මා ළග ඉන්න ඉඩ            නැතත් අයිතියක් නැතිවම තවම මා නුබ ළගමය ඉතින්,,..... අයිතියක් කුමට මට නුබ            ගැන මා හිමි අහිමි වීමක් නැතිවම නුබට  ආදරේය

           ප්‍රේමය කියන්නෙ ම අරුමයක්. අත් හැරෙන බව දැන දැනත් කිසිදිනෙක හිමි නොවෙන බව දැන දැනත් සමහර තැන් වල හදවතින් තදින් අල්ලා ගනී.      ඔව් ප්‍රේමය කියන්නෙම අමුතු දෙයක්. මුළු ලෝකයම ඔබට එපා කියද්දි මුළු ලෝකයාම ඔබව අතාරින්න සූදානම් වෙද්දිත් නුඹ අසීමිතව තව තවත් ප්‍රේම කරයිද?  ඔව් නුඹ ප්‍රේම කරයි. ලෝකයක් ඉදිරියේ කෙතරම් පීඩා බාධක ආවත් නුබ ප්‍රේම කරයි.      අනෙකාව නුඹට කෙතරම් දැනෙනවද එතරම් ඒ දැනෙන තුරු නුඹ ප්‍රේම කරයි. නුඹ තනි උනත්  ප්‍රේමය අත නොහරී.  නමුදු නුඹට අනෙකා දැනීම නැති වූ මොහොතේ නුබ ප්‍රේමයත් අතහරී.        එතෙක් ලෝකයා නුබට එරෙහි වුවත් දිනක අතහැරෙන බව දැන සිටියත් නුබ ප්‍රේම කිරීම අත නොහරී. හිමි වුවද අහිමි වුවද නුබ ප්‍රේම කරයි. ඒ නුඹට අනෙකා දැනෙන තුරු ය. සිතින් බැඳෙනා ප්‍රේමයක අන්තයක් නැත කිසි දිනේ ගතින් හිමි නොවුනත් සිතින් ජීවය තිබේ සැමදිනේ බොහෝ දෙනෙක් නො හදුනනා දෙය එයයි ප්‍රේමයේ...

ප්‍රේමයට ගළපපන් වචනවලින් නිර්වචනයක් අල්තිනායිටත් බැරි වුණේ  ගළපගන්නට ඇගේ ප්‍රේමයට අර්ථයක් අල්තිනායි උබ කරෙත් ප්‍රේමයක් දුයිෂෙන් නුඹට නොකී  කතාවෙත් තිබුණෙ ඔහුත් නොදත් ප්‍රේමයක් දුයිෂෙන් උඹට කළ ප්‍රේමය දනී පොප්ලරයින් පමණක් ඒකයි අදත් නුඹ දුටුවිට  සුසුම්ලෑවේ පවනින් ඉතින් ප්‍රේමයට කිම නිර්වචනයක් ස්ටෙප් තඹ බිම් මැද පොප්ලරයින් නැතත් වසන්තය එනතෙක් බලා හිදිනා  අල්තිනායිලා දුයිෂෙන්ලා ඇත  අදටත්.....

  ප්‍රේමී  නුඹ             මාගේ ආලේ පැටලී         සුකුමාලී දෙනවාදෝ  පුරවා ප්‍රේමේ හාදු මැදින්            වස්සානේ නුබය මාගේ     හිමිකාරි නුබය මාගේ      මනමාලි සැගවෙනවාදෝ    පපුතුරේ  රහසේ ගුලි වී      හාදුවේ පිච්ච සුවද රැදි         බාරි සුවදය නුබ මගේ     නාරි මාගේ නේදෝ  මේ   පිච්ච මලි දිවිතුරා නුබ දැන් මා  හුස්මේ

        හිතන්න ඔබ ඔබට වනවාට අකමැති දෙයක් තවත් කෙනෙක්ට වනවාට කැමති ද? නෑ නේද? එහෙම හිතන්න පටන් ගත්තහම තමයි කෙනෙක් අන්න එතනින් තමයි පරාර්ථකාමීත්වය ගොඩනගාගන්නෙ.             ආත්මාර්ථකාමීත්වය , මේ දේ මට විතරයි. වෙන කිසිකෙනෙක්ට මේක අයිතිවෙන්න හොද නෑ. මට වඩා කවුරුත් ඉදිරියට යන්න හොද නෑ. කෙනෙක් මෙසේ තමා ගැන පමණක් සිතන්නේ නම් එම පුද්ගලයා ලෝකය දකින්නේ නැත. තමන් ගැනම අදිමානෙන් ඉද කටයුතු කරයි.          විය යුත්තේ එසේ නොවේ. ඕනම පුද්ගලයෙක් තම ජීවිතය තුළ මුලින්ම සිතන්නේ තමා ගැන බව ඇත්තකි. නමුත් අප ජීවිතය තුළ අනෙකා ගැනත් සිතිය යුතුය . අනෙකා පරයා යාමට උත්සාහ කරන මොහොතේ අනෙකාට උදව් කරමින් ඉදිරියට යාමට පියවර ගැනීම හරිම ලස්සනයි . කෙනෙකුගේ දියුණුවට ආත්මාර්ථකාමීත්වයට වඩා පරාර්ථකාමීත්වය බලපායි. එවන් පුද්ගලයින් තුළ කිසිම විටක තමා ගැන කලකිරීමක් හට නොගනී.       පරාර්ථකාමී වන පුද්ගලයා තමාට නොදැනීම දියුණුව කරා ඉතා ඉක්මනින් ගමන් කරයි. ඔබ ආත්මාර්ථකාමියකු වනවා ද පරාර්ථකාමයකු වනවාද කියා තීරණය කරන්නේ ඔබේම සිතුවිලි ය.   ...